ENG
პუბლიკაციები
30 მაისი, 2010

„საერთაშორისო გამჭვირვალობა – საქართველოს“ გეგმები არჩევნების დღეს, 30 მაისი

თბილისი, საქართველო – „საერთაშორისო გამჭვირვალობა – საქართველო” წინასწარ პატიმრობაში მყოფ პირთა 2010 წ. 30 მაისის საქართველოს ადგილობრივი თვითმმართველობის არჩევნებში მონაწილეობის მონიტორინგს ახორციელებს. მონიტორინგი განხორციელდება ყველა იმ დაწესებულებაში, სადაც საქართველოს სასჯელაღსრულების სამინისტროს მონაცემებით, წინასწარ პატიმრობაში მყოფი პირები იმყოფებიან.

30 მაისი, 2010

საარჩევნო მედიაცენტრში გაერთიანებული ორგანიზაციების ერთობლივი განცხადება 2010 წლის 30 მაისის ადგილობრივი თვითმმართველობის არჩევნების წინასაარჩევნო გარემოს შესახებ, 29 მაისი

თბილისი, საქართველო _ 2010 წლის 30 მაისის ადგილობრივ არჩევნებს რამდენიმე ათასი ადგილობრივი და საერთაშორისო დამკვირვებელი აკვირდება, რაც მის თავისუფალ და სამართლიან გარემოში ჩატარების მნიშვნელობას კიდევ ერთხელ უსვამს ხაზს. ეს არჩევნები საქართველოს ხელისუფლების და მისი პოლიტიკური სპექტრის დემოკრატიული პრინციპებისადმი ერთგულების ტესტად აღიქმება. არჩევნებამდე ერთი დღე რჩება.

28 მაისი, 2010

მესამე შუალედური ანგარიში ადმინისტრაციული რესურსის გამოყენების შესახებ წინასაარჩევნო კამპანიის მიზნებისთვის, 25 მაისი

ადმინისტრაციული რესურსების წინასაარჩევნო კამპანიისთვის გამოყენების მონიტორინგის მესამე შუალედური ანგარიში 2010 წლის 6 მაისიდან 24 მაისამდე პერიოდს მოიცავს. ის ყურადღებას ადმინისტრაციული რესურსების სამ ძირითად ტიპზე - ხისტ, მატერიალურ-ტექნიკურ და ადამიანურ - რესურსებზე ამახვლებს.

27 მაისი, 2010

მედიაცენტრში გაერთიანებული არასამთავრობო ორგანიზაციების ერთობლივი პრესკონფერენცია არჩევნებში სამხედრო პირების მონაწილეობის წესთან დაკავშირებით, 27 მაისი

თბილისი, საქართველო - საქართველოს საარჩევნო კოდექსის 10.101 მუხლის თანახმად, თავდაცვისა და შინაგან საქმეთა სამინისტროების სამხედრო (გასამხედროებული) ძალებისა და შენაერთების სამხედრო მოსამსახურეები ადგილობრივი თვითმმართველობის არჩევნებში მონაწილეობენ როგორც პროპორციული, ისე მაჟორიტარული წესით, თუ ისინი არჩევნების დღისთვის მუდმივი დისლოკაციის ადგილზე 1 წლით ან მეტი ვადით იმყოფებიან.

25 მაისი, 2010

"საერთაშორისო გამჭვირვალობა - საქართველო" წინასაარჩევნო პერიოდის მონიტორინგის მესამე შუალედურ ანგარიშს აქვეყნებს, 25 მაისი

თბილისი, საქართველო – დღეს „საერთაშორისო გამჭვირვალობა – საქართველომ”ადმინისტრაციული რესურსების წინასაარჩევნო კამპანიისთვის გამოყენების მონიტორინგის მესამე შუალედური ანგარიში გამოაქვეყნა. ეს ანგარიში 2010 წლის 5 მაისიდან 24 მაისამდე პერიოდს მოიცავს და ყურადღებას ადმინისტრაციული რესურსების სამ სახეობაზე ამახივლებს. ესენია: ხისტი, მატერიალურ-ტექნიკური და ადამიანური რესურსები.

14 მაისი, 2010

შვებულებაში გასული გამგებელი კანონსაწინააღმეგოდ არის ჩართული სამსახურებრივი ფუნქციების გამხორციელებაში, პრესრელიზი, 14 მაისი

ყვარლის მუნიციპალიტეტის გამგებელი ლევან გამსახურდია შვებულებაში იმყოფება და „ერთიანი ნაციონალური მოძრაობის” შტაბში მუშაობს. 7 მაისს იგი გარემოს დაცვის მინისტრთან ერთად სოფელ ენისელში იმყოფებოდა კახეთში სტიქიით დაზარალებულ მოსახლეობასთან შესახვედრად. მინისტრი დაზარალებულებს საბიუჯეტო დახმარებაზე ესაუბრებოდა.

გვერდები