ENG

კოალიცია „ევრო-ატლანტიკური საქართველოსთვის“ მიმართვა 2016 წლის 8 ოქტომბრის არჩევნებში მონაწილე პოლიტიკურ პარტიებს

20 სექტემბერი, 2016

 

8 ოქტომბერს საქართველოს მოსახლეობა საქართველოს რიგით მე-9 მოწვევის პარლამენტს აირჩევს. იმის მიუხედავად, რომ სხვა არჩევნებთან შედარებით, აშკარაა, რომ პოლიტიკური პარტიები საარჩევნო პროგრამებს მეტ ყურადღებას აქცევენ, ბევრ საკითხზე ვისურვებდით მეტი გაგვეგო მათი კონკრეტული და სიღრმისეული ხედვის თაობაზე. რაც მთავარია, ამ არჩევნების შედეგად, პარტია, რომელიც პარლამენტში უმრავლესობას მოიპოვებს, იქნება უფლებამოსილი დააკომპლექტოს მთავრობა. სწორედ ამიტომ, მიგვაჩნია, რომ საზოგადოებისთვის საინტერესო იქნება წინასწარ შეიტყოს არჩევნებში მონაწილე ამა თუ იმ პარტიის მთავრობაში მოხვედრის შემთხვევაში ვინ იქნებიან ის პირები ვინც კონკრეტულ მიმართულებებს ჩაიბარებენ - მათი მინისტრობის პოტენციური კანდიდატები. 

ზუსტად ამიტომ კოალიცია “ევროატლანტიკური საქართველოსთვის” მოუწოდებს პოლიტიკურ პარტიებს საზოგადოებას გააცნონ პარლამენტში უმრავლესობით მოხვედრის შემთხვევაში მინიმუმ 6 წამყვანი მინისტრობის სავარაუდო კანდიდატები ან მათი “პოტენციური კაბინეტი”. იმის გამო, რომ მიუხედავად მნიშვნელოვანი წინსვლისა (ასოცირების შეთანხმება, უვიზო მიმოსლასთან დაკავშირეული მოთხოვნების შესრულება) ქვეყნის ევროატლანტიკური ინტეგრაციის მიმართულებით სწრაფი და ეფექტური ნაბიჯების გადადგმვა აუცილებელია, ქვეყნის თავდაცვისუნარიანობა გაზრდას საჭიროებს, რიგი მნიშვნელოვანი რეფორმების მიუხედავად, კვლავაც აქტუალურია მართლმსაჯულების რეფორმის გაგრძელება და ეკონომიკის სწრაფი განვითარება ქვეყნის წინაშე სერიოზულ გამოწვევად რჩება, ვფიქრობთ პოლიტიკურმა პარტიებმა მნიშვნელოვანია უპირველეს ყოვლისა შემდეგი მინისტრები დაასახელონ: იუსტიციის მინისტრი, შინაგან საქმეთა მინისტრი, საგარეო საქმეთა მინისტრი, თავდაცვის მინისტრი, ფინანსთა მინისტრი და ეკონომიკის მინისტრი.

ვფიქრობთ, რომ ნებისმიერმა პოლიტიკურმა პარტიამ წინასწარ უნდა გაიაზროს ვის ჩააბარებს ამ მნიშვნელოვან მიმართულებებს. აღნიშნული ინფორმაცია დაეხმარება ამომრჩეველს მიიღოს ინფორმირებული გადაწყვეტილება არჩევნების დღეს.