ონის მუნიციპალიტეტი ვებ-გვერდზე საჯარო ინფორმაციას არაჯეროვნად აქვეყნებს, მას არც საჯარო ინფორმაციის პროაქტიულად გამოქვეყნების წესი აქვს მიღებული^[1], რითაც არღვევს ზოგადი ადმინისტრაციული კოდექსის მოთხოვნებს. კოდექსის თანახმად, საჯარო ინფორმაციის პროაქტიულად გამოქვეყნების მომწესრიგებელი ნორმატიული აქტები მუნიციპალიტეტეს 2013 წლის 1 სექტემბრამდე უნდა მიეღო.

ჩვენ გადავამოწმეთ ონის მუნიციპალიტეტის ოფიციალური ვებ-გვერდი  (http://oni.gov.ge/), მისი გამჭვირვალობის და ინფორმირებულობის დონე კი მუნიციპალიტეტის უმრავლესობაში დამკვიდრებული პრაქტიკის შესაბამისად შევაფასეთ. 

როგორც ჩატარებულმა კვლევამ ცხადყო, ონის მუნიციპალიტეტი საჯარო ინფორმაციის უმეტეს ნაწილს ვებ-გვერდზე არ აქვეყნებს.

დეტალური მონაცემები იხილეთ გრაფიკებზე:

“საერთაშორისო გამჭვირვალობა - საქართველო”  ონის მუნიციპალიტეტს მოუწოდებს:

უახლოეს დროში შეასრულოს საქართველოს ზოგადი ადმინისტრაციული კოდექსით გათვალისწინებული ვალდებულება და მიიღოს საჯარო ინფორმაციის პროაქტიულ გამოქვეყნებასთან დაკავშირებული სამართლებრივი აქტი, ასევე უზრუნველყოს ინფორმაციის სრული სახით ატვირთვა ოფიციალურ ვებ-გვერდზე.