„სიძულვილის ენა - გამოწვევები და საერთაშორისო გამოცდილება“ - ეს იყო დისკუსიის თემა, რომელიც 1 ნოემბერს „საერთაშორისო გამჭვირვალობა-საქართველოს” ორგანიზებით ხელისუფლების, მარეგულებელი ორგანოს, მედიის, საერთაშორისო და არასამთავრობო ორგანიზაციების წარმომადგენელთა, ასევე ექსპერტების მონაწილეობით გაიმართა. კონფერენცია ჩვენმა აღმასრულებელმა დირექტორმა ეკა გიგაურმა გახსნა. მონაწილეებს სიტყვით მიმართა აშშ-ის ელჩის მოვალეობის შემსრულებელმა, ელიზაბეტ რუდმა. დისკუსიის ფარგლებში სიძულვილის ენასთან დაკავშირებული გამოწვევების დაძლევის გზებზე იმსჯელეს და ხაზი გაუსვეს არსებული კანონმდებლობის ფარგლებში მედია წიგნიერების და მედიის თვითრეგულირების გაძლიერების აუცილებლობას. კონფერენცია USAID/PROLoG-თან თანამშრომლობით შედგა.