2012 წლის 14 ივნისი –„საერთაშორისო გამჭვირვალობა – საქართველო” სასამართლოს ოთხთვიან ადმინისტრაციულ საქმეთა მონიტორინგის შედეგებს აქვეყნებს. ორგანიზაციამ 252 სასამართლო სხდომის, ჯამში 108 საქმის მონიტორინგის შედეგად, გამოავლინა სასამართლოს როგორც ძლიერი, ისე სუსტი მხარეები. ორგანიზაციის ძირითადი მიგნებები ადმინისტრაციული საქმეების განხილვის პროცესს უკავშირდება. პოზიტიურ ცვლილებებად შეიძლება მივიჩნიოთ შემდეგი:
ამავე დროს, აღსანიშნავია, რომ მონიტორინგის პროცესმა მნიშვნელოვანი პრობლემური საკითხები გამოავლინა:
იმის მიუხედავად, რომ „საერთაშორისო გამჭვირვალობა – საქართველომ“ დაკვირვება მხოლოდ შეზღუდული რაოდენობის საქმეებზე განახორციელა და არ განუხორციელებია საქმეების არსებითი შეფასება, სახელმწიფო მხარეების სასარგებლოდ გადაწყვეტილი დავების უაღრესად მაღალი მაჩვენებელი მაინც შესაძლო პრობლემებზე მიუთითებს. „საერთაშორისო გამჭვირვალობა – საქართველოს“ მოსაზრებით, სახელმწიფოს მიერ საქმეების მოგების მაღალი მაჩვენებლისა და ზოგიერთი ძირითადი სამართლებრივი პრინციპების არასაკმარისი დაცვის გამო შესაძლოა საქართველოს სასამართლო სისტემის განვითარება შეფერხდეს.
„საერთაშორისო გამჭვირვალობა – საქართველომ“ არჩია, სასამართლო მონიტორინგის პროექტში ყურადღება უძრავ ქონებასთან დაკავშირებულ დავებზე მიექცია. ამ აქცენტის გათვალისწინებით, სასამართლოების განრიგიდან ის საქმეები შეირჩა, რომლებშიც მხარე საჯარო რეესტრი, საკუთრების უფლების აღიარების კომისია ან საქართველოს ეკონომიკისა და მდგრადი განვითარების სამინისტრო იყო. თუ ასეთი საქმის განხილვა დაგეგმილი არ იყო, დამკვირვებლები სასამართლო სხდომებს შემთხვევითი შერჩევის წესით ირჩევდნენ.
„საერთაშორისო გამჭვირვალობა – საქართველო“ ახორციელებდა შემდეგი საკითხების მონიტორინგს:
ანგარიში მომზადებულია მართლმსაჯულების დამოუკიდებლობისა და სამართლებრივი გაძლიერების პროექტის ფარგლებში, რომელიც დაფინანსდა აშშ-ს განვითარების სააგენტოს (USAID) მიერ აღმოსავლეთ-დასავლეთის მართვის ინსტიტუტის (EWMI) მეშვეობით.
Links
[1] https://www.transparency.ge/sites/default/files/post_attachments/%E1%83%A1%E1%83%90%E1%83%A1%E1%83%90%E1%83%9B%E1%83%90%E1%83%A0%E1%83%97%E1%83%9A%E1%83%9D%20%E1%83%9B%E1%83%9D%E1%83%9C%E1%83%98%E1%83%A2%E1%83%9D%E1%83%A0%E1%83%98%E1%83%9C%E1%83%92%E1%83%98%E1%83%A1%20%E1%83%90%E1%83%9C%E1%83%92%E1%83%90%E1%83%A0%E1%83%98%E1%83%A8%E1%83%98.pdf
[2] https://www.transparency.ge/ge/category/tags/martlmsajuleba
[3] https://www.transparency.ge/ge/category/tags/sasamartlo
