ინტერნეტის მნიშვნელობა, როგორც ყოველდღიური კომუნიკაციის, ასევე ინფორმაციის მიღების კუთხით, დღითიდღე იზრდება. მზარდია ინტერნეტ მომხმარებლების რაოდენობა და შესაბამისად, ინტერნეტ ინდუსტრიაც. ინტერნეტით მიღებული ინფორმაცია განსაკუთრებულ მნიშვნელობას წინასაარჩევნო პერიოდში იძენს და შესაძლოა, გადამწყვეტ როლსაც თამაშობდეს დეზინფორმაციის გაზრდილი საფრთხისა და მედიაწიგნიერების დაბალი კულტურის ფონზე.
მაღალი საჯარო ინტერესის გათვალისწინებით, „საერთაშორისო გამჭვირვალობა-საქართველომ“ შეისწავლა 2018 წელს ფიქსირებული და მობილური ინტერნეტის ბაზარზე არსებული მსხვილი ოპერატორების მფლობელობა და მათი ბიზნესკავშირები. კვლევაში, ასევე, მიმოხილულია მოსახლეობაში ინტერნეტის გავრცელების და მოხმარების საკითხები.
ინტერნეტ პროვაიდერების ნაწილი ოფშორშია დარეგისტრირებული და ცალკეულ შემთხვევაში რთულია დაადგინო რეალურად ვინ დგას კონკრეტული კომპანიის უკან, თუ ის იმავდროულად ტელევიზიასაც არ ფლობს. კანონმდებლობის თანახმად, მაუწყებლის მფლობელების შესახებ ინფორმაცია საჯაროდ ხელმისაწვდომია.
ინტერნეტის პოპულარობის ზრდასთან ერთად მწვავედ დგას ინტერნეტის მომხმარებლების პირადი ინფორმაციის დაცულობის საკითხი. დღეს არსებული კანონი მომხმარებელს ფარული მიყურადებისა და თვალთვალისგან სათანადოდ ვერ იცავს. ფარული მოსმენის არსებული სისტემის არაკოსტიტუციურად ცნობას მოითხოვს არასამთავრობო სექტორი და მოქალაქეები. საქმე საკონსტიტუციო სასამართლოშია.
Links
[1] https://www.transparency.ge/sites/default/files/internet_mplobeloba_sakartveloshi_0.pdf
[2] https://www.transparency.ge/ge/category/tags/%E1%83%9B%E1%83%94%E1%83%93%E1%83%98%E1%83%90
[3] https://www.transparency.ge/ge/tags/%E1%83%98%E1%83%9C%E1%83%A2%E1%83%94%E1%83%A0%E1%83%9C%E1%83%94%E1%83%A2%E1%83%9B%E1%83%A4%E1%83%9A%E1%83%9D%E1%83%91%E1%83%94%E1%83%9A%E1%83%9D%E1%83%91%E1%83%90
